«2-3 жастағы балалардың мектепке дейінгі ұйым жағдайына бейімделуі»

«Ақмола облысы білім басқармасының Жақсы ауданы бойынша білім бөлімі Қима ауылының Қ.Өскенбаев атындағы жалпы білім беретін мектебіне» қарасты «Аққу» шағын-орталығында кеңес беру пунктісінің  тәрбиешісі Жумабекова Ш.А  ата-аналармен «2-3 жастағы балалардың мектепке дейінгі ұйым жағдайына бейімделуі» тақырыбында консультация өткізді.
Іс-шараға мектепке дейінгі ұйымға бармайтын балалар мен олардың ата-аналары қатысты.
Бейімделу процесі әсіресе бұрын ешқандай мектепке дейінгі ұйымдарға бармаған балалар үшін қиын болады. Мұндай балаларда отбасыдан тыс әлеуметтік өзара әрекеттесу тәжірибесі жоқ, бұл жаңа ортаға ену процесін одан да күйзелісті етеді.
Бейімделу біртіндеп жүргізілуі қажет: алдымен қысқа уақытқа келу, кейін уақытты ұлғайту. Балалар жаңа ортамен ойын арқылы танысады. Тәрбиешінің тарапынан жайлы және қауіпсіз атмосфера жасау маңызды. Балалар өз еркімен ойыншықтарды таңдап, пирамида құрастырып, дидактикалық ойындар ойнады. Шара барысында жайлы атмосфера орнады, балалар мен ата-аналар жағымды эмоциялар алды.