2-3 жастағы балалардың би қимылдары

«Ақмола облысы білім басқармасының Жақсы ауданы бойынша білім бөлімі Қима ауылының Қ.Өскенбаев атындағы жалпы білім беретін мектебіне» қарасты «Аққу» шағын-орталығында кеңес беру пунктісінің  тәрбиешісі Бостанбекова А.С. 2-3 жастағы балалардың би қимылдары тақырыбында ата-аналармен әңгіме өткізді. Шараға мектепке дейінгі мекемеге бармайтын балалар мен олардың ата-аналары қатысты.

Би қимылдары баланың дамуы үшін маңызды рөл атқарады, ол баланың тек физикалық қана емес, эмоционалдық дамуына да көмектеседі. Балаларға арналған қимылдар қарапайым, көңілді және жасына сай болуы тиіс. Олар координацияны, ырғақты сезіну, икемділік пен өзіне сенімділікті дамытуға көмектеседі.

Балалар музыка ырғағына бірнеше би қимылдарын орындады. Қалтырау – екі жаққа қозғалу. Қол соғу. Төмен түсу – бұлшықеттерді жаттықтырудың көңілді тәсілі. Қолды жоғары-төмен жұмсақ сермеу. Орынды айналу – бір-біріне бағытталған абай қимылмен айналу. Балалар музыка ырғағына сәйкес қозғалыстардан қуаныш алды. Би – бұл тек физикалық белсенділік қана емес, сонымен қатар қуаныш, шығармашылық және жақсы көңіл-күй!

Шара соңында ата-аналар өз әсерлерімен бөлісіп, тәрбиешіден кеңестер алды. Баланың сүйіп тыңдайтын музыкасын қосып, би жаттығуларын қызықты ойынға айналдырыңыздар, баламен бірге би билеңіздер.