ПЕДАГОГТІҢ КӘСІБИ ӨСУ ҚҰРАЛЫ РЕТІНДЕ АТТЕСТАЦИЯ: ЖАҢАРТЫЛҒАН ФОРМАТ ЖАҒДАЙЫНДАҒЫ МЕКТЕП ТӘЖІРИБЕСІ

Педагогикалық қызметкерлерді аттестаттау – бұл жай ғана формалды рәсім емес, мектептегі әдістемелік жұмыстың маңызды элементі болып табылады. Бұл – педагогтердің кәсіби қызметін жүйелі әрі объективті түрде бағалауға, олардың біліктілік деңгейін айқындауға, сонымен қатар әрбір мұғалімнің ары қарайғы өсу және даму бағыттарын жоспарлауға мүмкіндік беретін процесс.
Қазіргі жағдайда, білім сапасы басты басымдыққа айналған кезде, аттестаттау педагогтердің кәсіби дамуын басқарудың негізгі тетіктерінің бірі болып отыр. Ол тек қана қол жеткізілген нәтижелерді талдауға емес, сонымен бірге мұғалімдердің күшті жақтарын анықтауға, кәсіби өсу аймақтарын белгілеуге және педагогикалық ұжымның нақты қажеттіліктеріне сәйкес әдістемелік қолдау шараларын жоспарлауға мүмкіндік береді.
Сонымен  қатар, аттестаттау маңызды мотивациялық фактор болып саналады. Ол педагогтердің ішкі уәждемесін арттырады, олардың жетістіктері мен кәсіби еңбегін мойындаудың бір түрі болып табылады. Материалдық тұрғыдан алғанда да аттестаттаудың маңызы зор: біліктілік санатын алу немесе растау тікелей еңбекақыға әсер етеді, сондықтан бұл процесс одан әрі жауапты және мәнді бола түседі.
Мектепті аттестаттау кезінде де педагогтердің санат бойынша үлесі, яғни әр буын бойынша санатқа ие мұғалімдердің пайызы ескеріледі. Бұл – аттестаттаудан өтудің қажетті критерийлерінің бірі.
Мысалы, біздің мектеп бойынша көрсеткіштер келесідей:
2022–2023 оқу жылында барлық санаттағы педагогтердің (педагог-зерттеуші, педагог-сарапшы, педагог-модератор) үлесі – 75% (21 мұғалім),
2023–2024 оқу жылында – 64%,
2024–2025 оқу жылында – 65%,
2025–2026 оқу жылында – 88%.
Мектеп директоры, барлық бағыттар бойынша орынбасарлар, психолог және дефектолог та аттестаттаудан сәтті өтіп, өздерінің біліктілік санаттарын растады.
Айта кету керек, аттестаттауды сауатты ұйымдастыру – әдістемелік жұмыстың ең күрделі бағыттарының бірі. 2025 жылы біздің мектепте аттестаттау жаңартылған форматта өтті. Бұл әкімшілік пен әдістемелік қызметтен жаңа нормативтік құжаттарды жан-жақты зерделеуді, жаңа талаптарға бейімделуді және, әрине, педагогтермен тығыз өзара әрекеттесуді талап етті.
Әсіресе, педагогтерді барлық кезеңдерде – портфолио дайындаудан бастап кәсіби жетістіктерді сараптамалық бағалауға дейін қолдау көрсетуге ерекше назар аударылды.
2024–2025 оқу жылының аттестаттау қорытындылары бойынша, бұл процесс талаптарға сай ұйымдастырылып, оң нәтижелерге қол жеткізілді. Аттестаттауға өтініш берген барлық педагогтер оны сәтті өтті.
Мектеп директоры «басшы-көшбасшы» біліктілік санатын растады.
Екі педагог «педагог-зерттеуші» санатын растады.
Бес педагог жаңа санаттарға ие болды: «педагог-зерттеуші», «педагог-сарапшы», «педагог-модератор», «үшінші санатты директордың орынбасары». Бұл педагогтердің кәсіби шеберлігінің өскенін және олардың қызметінің нәтижелілігін дәлелдейді.
Осылайша, аттестаттау қорытындылары педагогтердің жоғары кәсібилігін, қазіргі білім беру талаптарына сай жұмыс істеуге дайындығын, сондай-ақ мектеп ішіндегі әдістемелік қолдаудың тиімділігін көрсетті.
Жаңартылған форматтағы аттестаттау тек педагогтерден ғана емес, сонымен бірге процесті сүйемелдейтін әдістемелік қызметтен де жоғары біліктілікті талап етті.